බරින්
යුත් රත්‍රං
කැබලි 02ක්
ගුද මාර්ගයේ
සඟවාගෙන
කාන්තාවක් ගුද මාර්ගයේ රත්‍රං සඟවාගෙන විදෙස් ගතවීමට සුදානම් වූ ශ්‍රී ලංකා රේගුව විසින් පළමු වතාවට අත්අඩංගුවට ගෙන තිබේ. රේගු දෙපාර්තමේන්තුවේ නීති අංශයේ අධ්‍යක්ෂ ලෙස්ලි ගාමිණි මහතා සඳහන් කළේ පෙරේදා පස්වරුවේ මෙම කාන්තාව ඉන්දියාවේ චෙන්නායි නුවර බලා පිටත්ව යාමට සුදානම්ව සිටි බවයි.
අත්අඩංගුවට ගත් කාන්තාව ග්‍රෑම් 116ක බරින් යුත් රත්‍රං කැබලි 02ක් ගුද මාර්ගයේ සඟවාගෙන රටින් පිටව යාමට උත්සාහ දරා තිබේ. ඊට අමතරව සාදා නිම නොකළ රන් වළලු 03ක් සහ රන් මාලයක් ද ඇය සතුව තිබී සොයාගත් බව ලෙස්ලි ගාමිණි මහතා සඳහන් කළේ ය. සැකකාරිය සතුව තිබු රත්‍රංවල සම්පුර්ණ වටිනාකම දාහත් ලක්ෂ 30,000ක් පමණ වන බවත් සඳහන් ය.
ගුදමාර්ගයේ සඟවාගෙන රත්‍රං ගෙනයාම සම්බන්ධයෙන් කාන්තාවක් අත්අඩංගුවට ගත් ප්‍රථම අවස්ථාව ද මෙය බව රේගු දෙපාර්තමේන්තුවේ නීති අංශයේ අධ්‍යක්ෂ ලෙස්ලි ගාමිණි මහතා පැවසී ය.
මිට පෙර මෙවැනි සිද්ධීන් බොහෝමයක් වාර්තා වුව ද ඒ සියල්ලටම සම්බන්ධව තිබුණේ පිරිමි අය වන අතර කාන්තාවක් මෙවැනි ක්‍රියාවකට සම්බන්ධ වූ පළමු වතාව ලෙස මෙය සැලකෙයි.
මීට අමතරව රත්‍රං රැගෙන චෙන්නායි බලා යාමට පැමිණි තවත් පුද්ගලයින් දෙදෙනෙකු ගුවන් තොටුපළ රේගුව විසින් අත්අඩංගුවට ගෙන ඇත. එක් සැකකරුවෙකු සතුව තිබී රත්‍රං කම්බි 04ක් සොයාගෙන ඇති අතර අනෙක් සැකකරුගේ ජංගම දුරකථනයේ බැටරියට අලවා තිබිය දී රත්‍රං කැබැල්ලක් සොයාගත් බව ලෙස්ලි ගාමිණි මහතා වැඩිදුරටත් සඳහන් කළේ ය.
*************************************************************************************
